كيكة العسل الروسيه بأسهل طريقه 🇷🇺😋
المقدمه:
ناس كتير طلبت مني إن أجرب الوصفة إللي قدامكم ديت، وأشوف طعمها عامل إزاي، ولما بحثت عنها اكتشفت إن هي نوع من أشهر أنواع الكيك الروسي، واسمها كيكة العسل الروسية، والصراحة باين من شكلها حاجة في منتهى الجمال، علشان كده كنت متحمس أجربها، وبس كده، كل إللي عايزة منك إنك تتحمس معايا، ويلا بينا نبدأ الفيديو بتاعنا.
المقادير:
180 جرام زبدة - كوب الاربع
130 جرام عسل - ثلاث كوب
200 جرام سكر - كوب الاربع
6 جرام بيكينج صودا - نصف معلقه
3 بيضات
نصف معلقة فانيليا
500 جرام دقيق - 4 كوب
رشة ملح
الحشو :
2 كيس كريم شانتيه
2 معلقة سكر ( حسب الرغبه )
250 ملي حليب او ماء بارد - كوب
التزيين :
بسكويت مفتت
طريقة التحضير:
أول خطوة نصلي على النبي ونقول بسم الله وعلى نار متوسطة، هنحط طاسة وهنضيف كوباية إلا ربع زبدة، وهنضيف 1/3 كوباية عسل.
كوباية إلا ربع سكر.
وهنقلب كويس لحد ما تدوب المكونات، وأول ما الخليط يبدأ في الغليان هنقول بسم الله ونضيف 1/2 معلقة من البيكنج سودا.
وهنقلب كويس.
و هنلاحظ إن هي بدأت تفور بالشكل دوت كده، وهنستمر في التقليب بنفس الطريقة ديت لحد ما تتحول للون ذهبي محمر، وهو ده كده اللون المطلوب لون ذهبي محمر، هنرفع دلوقتي من على النار، وبعد ما نرفعه من على النار هنقلب فيه بالشكل دوت، كده لحد ما يبدأ يبرد، وبعد ما يبرد الخليط هنحتاج تلات بيضات.
وهنضيف عليهم 1/2 معلقة فانيليا.
وهنقلب كويس. وبعد التقليب هننزل بالبيض تدريجيا على الخليط، وأهم حاجة نقلب كويس، وبعد ما نقلب خليط البيض ح يغمق معانا بالشكل ده.
دلوقتي هنسيبه على جنب وهنحتاج 4 كوبايات دقيق.
وهنضيف رشة ملح.
وبعد التقليب هنقول بسم الله ونضيف الدقيق تدريجيا على الخليط مع التقليب.
وأول ما تتلم معانا بالقوام ده هنضيف رش دقيق وهنزل العجينة وهنضيف عليها رشة دقيق.
و هنلمها بالشكل ده.
و حنغطيها؟
وه ندخلها الثلاجة لمدة 30 دقيقة، وبعد مرور 30 دقيقة هناخد قطعة من العجينة وهنحتاج ورق زبدة أو مفرش الفرن السيليكون، وهنضيف رشة دقيق وهنقول بسم الله ونفرد العجينة، وبعد ما فردنا العجينة هنبدأ دلوقتي نقطعها على شكل دائري شكل مربع أي شكل. إحنا عايزينه. أنا هستخدم المسطرة. ممكن لو إنت عندك شكل مربع جاهز ممكن تنزله عليها وتبدأ تقطع.
وبعد ما قطعناها على شكل مربع هنشيل الزيادات و هنلمها على بعض كده عشان نستخدمها تاني. وبعد ما نشيل الزيادات هنجيب شوكة ونبدأ ن خرمها بالشكل ده علشان متفقش معانا، ودلوقتي هندخلها فرن مسخن مسبقا على درجة حرارة 160 لمدة 1/5 دقايق، ونرجع لكم ثاني، وبعد مرور 5 دقايق هتطلع معانا بالشكل ده. و هنكمل باقي الكمية بنفس الطريقة.
وأول ما تطلع من الفرن هتبقو امطار بالشكل ده. مش شرط تبقى ناشفة زي البسكويت. وهو ده كده الشكل النهائي. بعد ما خلصنا بقى الكمية بسم الله ما شاء الله عملت معانا 11 قطعة ودلوقت هنسيبه على جنب لحد ما نجهز الحشو. أسهل طريقة لعمل الحشو هنحتاج كيسين كريمة خفق.
وأضيف معلقتين سكر حسب الرغبة.
وآخر مكون كوباية حليب أو كوباية ميه. وهنضربه بالمضرب الكهربائي على أقصى سرعة لمدة 4 دقايق قوام كريمي بالشكل ده. ودلوقت هنقول بسم الله ونجيب أول طبقة من البسكويت و حندهنها بالحليب.
وبعد ما ندهن هنضيف كريمة الخفق وهنقول بسم الله. ونبدأ نفرد.
وهنضيف الطبقة الثانية، وح ندهنها بالحليب.
وهنكمل بنفس الطريقة لحد ما نخلص باقي الكمية. ودلوقتي حنضيف آخر طبقة وهنحاول نسويها كويس بالكريمة. وبعد ما فردنا الكريمة دلوقتي ندخله الثلاجة حوالي ساعة أو ساعتين لحد ما تجمد ورجعنالكم بعد مرور ساعتين في الثلاجة هنبدأ دلوقتي نجهز التزيين. هنحتاج أي نوع بسكويت ونطحنه.
وهنقول بسم الله، ونضيف البسكويت، وآخر خطوة نقول بسم الله، ونبدأ نسوي الكيك.
وهو ده كده الشكل النهائي. بعد ما شلنا الزيادات .
تعليقات
إرسال تعليق